- "Каттақўрғон" жамоаси тажрибали футболчилардан иборат. Бугун қийин ўйин ўтишини билардик. Лекин йигитларим берилган кўрсатмаларни бажаришди. Ўйин назоратини биринчи бўлимда ўз қўлимизда ушлаб тургандик. Фақатгина вазиятни якунига етказишда омад келмади. Иккинчи бўлимни ҳам яхши бошладик. Тажриба эса ўз сўзини айтиб кетди. Тажрибали футболчилар бир вазиятдан унумли фойдаланишга ҳаракат қилади. Рақиб легионери бир хатодан кейин гол урди ва йигитларим шошилишни бошлади. Керак эмас хатолар кўп бўлди. Бугунги ўйин бизнинг назоратимиз остида ўтди. Фақатгина омад кулиб боқмади.
- Ўтган ўйинда қизил карточка олган Рўзибоевнинг ўрни билиндими?
- Бизда Юсуфбоев бор, унинг Пролигада тажрибаси бор. Ўтган йили "Олимпик" таркибида асосий таркибда ўйнаган футболчи. Ушбу мавсумда ўйин амалиёти ҳали кам бўлганигами, бола ҳали ўзига кела олганича йўқ. Унинг устида ҳали ишлаймиз. Рўзибоев ва Юсуфбоевни солиштирадиган бўлсак, Рўзибоев ёшроқ, лекин унинг бўйича устунлик жиҳатлари бор.
- Рақиб жамоа сафида кимларни ажратиб кўрсата оласиз?
- Бугунги ўйинни барча кўрди. Ундай ажралиб турадиган футболчи кўринмади. Легионери тезкор ва у биргина вазиятидан гол уриб кетди. Бу тажриба. Йигитларимнинг ушбу рақибдан кам жойи йўқ, устунлик қилишди ҳам. Чунки биз ўйин назоратини ушлаб тура олдик, исталганча ҳужумлар уюштирдик, бироқ якунлашда бизга омад етишмади. Дарвоза устунини пойладик, рақиб ҳимоячилари қайтаришди. Барибир омадга ҳам кўп нарса боғлиқ.
- Мағлубиятли ўйинлардан кейин ҳам футболчилар тажриба тўплашлари мумкинми?
- Юз фоиз. Ўтган йилдаги Пролиганинг бу йилдагиси билан фарқи катта. Ҳозир 7 жамоа Суперлигага чиқиш учун мақсад қўйган. Рақобат катта, исталган жамоа исталган рақибини мағлубиятга учрата олади. Шу сабабли бу ўйинларнинг барчаси тажрибадан ортиқ нарса бўлмайди. Бу ўйинлар келажакда футболчиларимга куч, сабр, тажриба беради, деб ўйлайман.
- Абдувакил Ҳикматуллаевнинг ўрнига Аҳмадов ўйинга қўшилди ва унинг илк ҳаракати хато бўлди ва шу орқали гол олиб келинди.
- Биринчи бўлимнинг ўзида 10тача бурчак зарбасига эга бўлдик. Бизда чапақай футболчи йўқлиги учун уни майдонга туширишга қарор қилдик.
- Мағлубиятдан кейин ёш жамоани руҳан тиклаш қандай бўлади?
- Эртага кам ўйнагани тренажёр залга киради. Ўйнаганлар эса саунада тикланиш жараёнини ўтказади. Бизда тикланиш жараёни яхши йўлга қўйилган. Витаминизация ҳам яхши. Руҳан десангиз, буни ҳам чиқариб юборамиз. "ФарДУ" билан ўйингача барча тайёр бўлади, деган умиддаман. Барча юз фоиз тайёр бўлади. Ундай тушкунликка тушиб қолмайди.
