– Ғалаба билан табриклайман. Бугун рақиб дарвозасини ишғол қилдингиз. Ўйин қандай таассурот қолдирди?
– Ўйин зўр бўлди, аммо қийинчиликка дуч келдик. Бу футбол. Ҳозир ҳамма жамоа кучли. Гол уриш ёқимли. Кейинги ўйинда ҳам гол уришга ҳаракат қиламан.
– Ўтган йилги интервьюларингизда Европага йўл олишингиз мумкинлиги ҳақида бир неча марта айтгандингиз. Бунинг амалга ошмаганига жароҳат сабаб бўлдими?
– Ҳа, жарроҳлик амалиётини бошдан кечирдим. Шу сабабли тикланиш керак эди. Мен учун энг қулай вариант "Навбаҳор" бўлди.
– Ўйиндан ўйинга очилиб боряпсиз? Ўз даражасининг чўққисига чиққан Холматовни қачон кўрамиз?
– Бунинг учун ўз устимда ишлаяпман.
– Яқинда ижтимоий тармоқларда отангиз – ўтмишнинг ёрқин футбол юлдузларидан бири бўлган Акмал Холматовга автомобиль совға қилганингиз акс этган видео кенг тарқалди ва бу жуда илиқ кутиб олинди. Отангиздек катта футбол юлдузининг издоши бўлиш майдонда сизга кўпроқ масъулият ва босим юклайдими ёки аксинча, унинг ўгитлари ҳар қандай қийин вазиятда энг асосий қуролингиз бўлиб хизмат қиладими?
– Машҳур футболчининг ўғли бўлиш енгиллик яратади. Сабаби, дадамнинг тажрибаси юқори. Кўп маслаҳат беради. Гол урасанми-йўқми, майдонга тушасанми-йўқми, фақат ва фақат ўз устингда ишлашда давом эт дейди. Шунинг учун бу ёқимли.
– Акмал Холматов ўз вақтида Тожикистон терма жамоасида ўйинлар ўтказган. Сизга ҳам ушбу мамлакат терма жамоасидан қандайдир таклиф бўлганми?
– Йўқ, таклиф бўлмаган. Мен Ўзбекистон фуқаросиман ва Ўзбекистон терма жамоаси шарафини ҳимоя қиламан.
