"Sport Bible"нинг хабар беришича, Киган оиласи режали тиббий кўрик давомида 1977 йилги Европа чемпионлари кубоги ғолиби ва "Олтин тўп"нинг 2 карра соҳибида саратон аниқланганини маълум қилди.
"Ушбу текширувлар онкологик касалликни аниқлади, шу сабабли Кевин даволаниш курсини ўтайди. Кевин тиббий жамоага ўз вақтидаги ёрдам ва доимий ғамхўрлик учун миннатдорлик билдиради", – дейилади баёнотда.
"Сканторп Юнайтед" тарбияланувчиси бўлган Кевин Киган 1971–1977 йилларда "Ливерпуль" шарафини ҳимоя қилган ва айнан шу клуб билан ҳозирги Чемпионлар Лигасининг илгариги кўриниши ҳисобланган мусобақада ғолибликни қўлга киритган. Бироқ энг катта шуҳратни у Германиянинг "Гамбург" клуби сафида қозонган — у ерда 1978 ва 1979 йилларда икки марта "Олтин тўп"га эга чиққан.
