Mersisaydliklarning diqqat markaziga 20 yoshli "Xoffenxaym" vingeri Bazuman Ture tushdi. Bu haqda Bild xabar bermoqda.
Manbaga ko'ra, ingliz klubi skautlari 31 martda Shotlandiya va Kot-d’Ivuar milliy jamoalari o'rtasidagi o'yinga borishgan, unda ivuariyalik 90 daqiqa to'liq o'ynagan. "Liverpul"dan tashqari, yosh futbolchiga "Aston Villa" ham qiziqmoqda.
Joriy Bundesliga mavsumida Ture 24 o'yin o'tkazib, 2 ta gol urdi va 8 ta golli uzatma berdi, "Xoffenxaym"ning eng yaxshi assistenti bo'lib turibdi. Transfermarkt portali ma'lumotlariga ko'ra, futbolchining bozor qiymati 40 million evro.
