Бу ҳақда клуб расмий сайти хабар тарқатди.
Жароҳат тафсилотлари:
28 ёшли ҳужумчи Ла Лиганинг 23-туридан ўрин олган "Мальорка" (3:0) билан ўйинда чап тиззасидан зарба еган.
Ўша баҳсда англиялик юлдуз 67-дақиқада захирага олинган эди.
Тиббий кўрик натижаларига кўра, Рэшфорд 12 февраль, пайшанба оқшомида бўлиб ўтадиган "Атлетико" билан баҳсни ўтказиб юбориши аниқ бўлди.
Рэшфорднинг жорий мавсумдаги кўрсаткичлари: Маркус жорий мавсумда "кўк-анорранглилар" ҳужум чизиғида муҳим фигурага айланиб улгурган:
- Ла Лига: 21 ўйин, 4 та гол ва 7 та голли узатма.
- Испания Кубоги: 3 ўйин, 1 та гол ва 1 та ассист.
- ЕЧЛ: 8 ўйин, 5 та гол ва 3 та голли узатма.
Энди Ханси Флик Мадриддаги муҳим тўқнашувда Рэшфорднинг ўрнини ким билан тўлдириши катта қизиқиш уйғотмоқда.
