Клублар ўртасидаги музокаралар тафсилотларини инсайдер Рашад Рахман маълум қилди.
"Барселона" ва Флик Рэшфорддан мамнун ва уни жамоада қолдиришни хоҳламоқда — ўйинчининг ўзи ҳам қолмоқчи. Бироқ "Юнайтед" "Барселона"га ультиматум қўйишда давом этмоқда: 30 миллион евро тўланг, ёки у "Олд Траффорд"га қайтади. "Барса" креатив ечимларни таклиф қилган, лекин "Юнайтед" рад этмоқда", — деб ёзган Рахман ўзининг X саҳифасида.
Маркус Рэшфорд "Барселона"да 2025 йил ёзидан бери ўйнамоқда. Жорий мавсумда у "Барселона" сафида барча турнирларда 43 ўйин ўтказиб, 12 та гол урди ва 13 та голли узатма берди.
