"Барселона" президентлигига номзод Виктор Фонт Жоан Лапортани Лионель Месси билан муносабатларни бузгани учун қаттиқ танқид қилди.
"Унинг "Камп Ноу"га яширинча келишга мажбур бўлгани ва бизнинг "Реал" билан эмас, Лео билан муносабатларимизни узганимиз кечириб бўлмайдиган нарса. Месси билан ярашиш у кетган пайтдан бошлаб энг муҳим вазифа бўлиши керак эди. Биз Мессини Каталонияга қайтариш учун ташкилий, тижорат ва спорт жиҳатларини қамраб олувчи уч томонлама таклиф устида ишламоқдамиз. Бу "Барса" мухлисларини ҳаяжонга солади," - деди Фонт.
