"Мавсумнинг биринчи ярмида жуда кам ўйин амалиётига эга бўлган Ҳусанов "Манчестер Сити" ҳимоя чизиғидаги жароҳатлар инқирози сабабли мунтазам майдонга туша бошлади. Гвардиол ва Диашнинг жароҳати ҳамда Гехи жамоага келгунига қадар у қаторасига бешта учрашувни асосий таркибда бошлади.
Бироқ, Марк Гехининг трансферидан сўнг ва Рубен Диаш сафга қайтгач, у яна ўзини захира ўриндиғида кўрди. Абдуқодирнинг ўйинида ижобий томонга ўзгаришлар яққол кўзга ташланди, аммо шу билан бирга, "Манчестер Сити"дек клубда мунтазам ўйнаш учун ҳали янада улғайиши ва тажриба тўплаши кераклигини кўрсатувчи бироз беқарорлик ҳам кузатилди. У ўз трансфер қийматини сақлаб қолиш учун етарлича ҳаракат қилди, бироқ нархининг ошиши учун бу камлик қилади".
