Maurisio Pochettino Tomas Frankning o'rnini bosuvchi uch nomzoddan biri sifatida ko'rib chiqilmoqda.
The Telegraph xabar qilishicha, "Tottenxem"ning qisqa ro'yxatiga argentinalik mutaxassisdan tashqari Roberto De Dzerbi va "Ferentsvarosh" bosh murabbiyi Robbi Kin ham kiritilgan.
London klubi murabbiylik lavozimini vaqtincha, yozgacha egallash uchun kimnidir taklif qiladimi yoki darhol biror mutaxassisni uzoq muddatga jalb etishga harakat qiladimi, hozircha noma'lum. Birinchi holatda jamoani mavsum oxirigacha aynan Kin boshqarishi mumkin.
