"Стэдиум оф Лайт" стадионида кечган учрашувда "қора мушуклар" 1:0 ҳисобидаги муҳим ғалабани қўлга киритишди. Ўйинни Роберт Джонс бошқариб борди.
Учрашувдаги ягона гол 61-дақиқада Норди Мукиэле томонидан киритилди. Лондонликларнинг ҳисобни тенглаштириш учун қилган ҳаракатлари самара бермади.
Ушбу мағлубиятдан сўнг "Тоттенхэм Хотспур" 30 очко билан турнир жадвалининг 18-поғонасида, яъни хавфли ҳудудда қолмоқда. Шпурларнинг элитада жон сақлаб қолиш масаласи тобора сўроқ остида қолмоқда. "Сандерленд" эса очколари сонини 46 тага етказиб, АПЛ жадвалида 10-ўринга кўтарилиб олди.
Лондон клуби раҳбарияти ва мухлислари учун мавсумнинг қолган қисми ҳақиқий "омон қолиш жанги"га айланиши кутилмоқда.
