"Lacio" va "Udineze" jamoalari o'rtasidagi bahsda muxlislar 3:3 hisobidagi jangovar durangga guvoh bo'lishdi.
Kevin Bonachina boshqargan o'yinda hisob 18-daqiqada mehmonlar himoyachisi Kingsli Exizibue tomonidan ochildi. Ikkinchi bo'lim boshida Luka Pellegrini muvozanatni tikladi. O'yinning eng qiziqarli va "aql bovar qilmas" qismi esa so'nggi daqiqalarga to'g'ri keldi:
80-daqiqa: Pedro "Lacio"ni oldinga olib chiqdi - 2:1.
86-daqiqa: Artyur Atta hisobni tenglashtirdi - 2:2.
90+3-daqiqa: Atta dubl qayd etib, "Udineze"ni g'alabaga yaqinlashtirdi - 2:3.
90+5-daqiqa: Daniel Maldini so'nggi soniyalarda Rim klubini mag'lubiyatdan qutqarib qoldi - 3:3.
Ushbu durangdan so'ng "Lacio" 48 ochko bilan turnir jadvalida 8-o'rinda qolmoqda. "Udineze" esa 44 ochko bilan 11-pog'onani egallab turibdi.
“Lacio” - “Udineze” 3:3
Gollar: Pellegrini 46, Pedro 80, Maldini 90+5 - Exizibue 18, Atta 86, Atta 90+3.
