Баҳс Болонья шаҳридаги "Ренато Далль'Ара" стадионида бўлиб ўтди. Асосий вақтда жамоалар 1:1 ҳисобида дуранг ўйнади. Пенальтилар сериясида эса меҳмонлар ғалаба қозонди.
Учрашувда ҳисобни 30-дақиқада "Болонья" ҳужумчиси Сантьяго Кастро очди. 48-дақиқада эса "Лацио" форварди Нослин мувозанатни тиклади. Ўйиндан кейинги пенальтилар сериясида эса римликлар аниқроқ ҳаракат қилди.
Шу тариқа, "Лацио" футболчилари мусобақанинг ярим финалига йўл олди.
"Болонья" – "Лацио" 1:1 (пенальтилар бўйича – 1:4)
"Ренато Даль'Ара" стадиони
"Болонья": Скорупски, Зортеа, Витик, Лукуми (Фауске, 80), Миранда, Моро (Фройлер, 61) Фергюсон, Орсолини, Одгор (Сом, 70), Камбьяги (Бернардески, 70), Кастро (Даллинга, 80).
"Лацио": Проведель, Марушич, Гила, Романьоли, Пеллегрини (Тавареш, 80), Деле-Баширу, Ровелла (Катальди, 61), Тейлор, Исаксен (Кансельери, 80), Мальдини (Диа, 61), Педро (Нослин, 45).
Огоҳлантиришлар: Гила (9), Кастро (47), Миранда (74), Тавареш (86), Витик (90+1).
Маълумот учун, Италия Кубоги 1/8 финал босқичида "Болонья" "Парма"ни 2:1 ҳисобида мағлуб этган эди. "Лацио" эса ушбу босқичда "Милан"ни 1:0 ҳисобида енгган.
Айни пайтда Италия Кубогининг амалдаги соҳиби "Болонья" ҳисобланади. Жамоа ўтган мавсум финалида "Милан" устидан 1:0 ҳисобида ғалаба қозонган эди.
12 фев 2026, 01:00
Bologna — Lazio
1 – 1
Пен. сериясидан сўнг
