Murabbiy Karlo Anchelotti jamoasi muddatidan oldin chempionga aylandi.
Ammo, "Real" "Bavariya"ga qarshi Chempionlar ligasi yarim final javob o'yiniga tayyorgarlik sabab 36-chempionlik titulini nishonlamagandi. "Real" kecha mehmonda "Granada" (4:0)ni mag'lub etdi va Segundaga tushib ketadigan jamoa maydonida sovrinni olishni istamadi.
G'oliblikni nishonlash bugun Madriddagi "Sibeles" fontanida bo'lib o'tadi, "qaymoqranglilar" u yerda ananaviy ravishda o'z g'alabalarini nishonlashadi.
Ispaniya qirollik futbol federatsiyasi "Real"ga klub bazasida chempionlik titulini topshirdi – RFEF prezidenti Pedro Rocha uni jamoa sardori Nacho Fernandesga topshirdi.
