Osiyo Kubogida faoliyat yuritayotgan o'zbekistonlik hakamlar OCHL nimchorak final bahsida ishlaydi

Sherzod Nurmatov
24 yanv 2024, 20:07
Osiyo Chempionlar Ligasining nimchorak (1/8) finalidan o'rin olgan "Yokogama Marinos" – "Bangkok Yunayted" uchrashuvida ishlash uchun O'zbekistondan 6 nafar hakam tayinlov oldi.

Yaponiya klubi ishtirokidagi bahsni boshqarish bu safar Ilgiz Tantashevga ishonib topshirildi. Unga qanotlarda Andrey Sapenko va Timur Gaynullin yordam bersa, Rustam Lutfullin zaxira hakami vazifasini bajaradi. Shuningdek, video assistentlarimiz orasidan Aziz Asimov va Abdurashid Xudoyberganov VAR hamda AVAR vazifalarini bajarishi ko'zda tutilgan. Quyida ushbu uchrashuv ma'lumotlari bilan tanishing:

Osiyo Chempionlar Ligasi. 1/8 final

"Yokogama Marinos" – "Bangkok Yunayted"  

21 fevral. 16:00

Bosh hakam: Ilgiz Tantashev

Qanot hakamlari: Andrey Sapenko, Timur Gaynullin 

Zaxira hakami: Rustam Lutfullin

VAR: Aziz Asimov

AVAR: Abdurashid Xudoyberganov

Ma'lumot uchun, Ilgiz Tantashev, Andrey Sapenko va Timur Gaynullin ayni paytda Qatarda davom etayotgan Osiyo Kubogi musobaqasida ishlamoqda. 


Sherzod NurmatovMuallif
Manba: Ўзбекистон футбол ҳакамлари маркази