OptaJoe маълумотига кўра, Европа чемпионлар лигаси тарихида илк бор икки инглиз клуби бир кунда уч ва ундан ортиқ тўп фарқи билан ютқазди.
Эслатиб ўтамиз, 1/8 финалнинг биринчи учрашувида "ПСЖ" "Челси"ни 2:5 ҳисобида мағлуб этди. "Манчестер Сити" эса ўз навбатида "Реал"га 0:3 ҳисобида имкониятни бой берди. Жамоалар ўртасидаги жавоб учрашувлари 17 март кунига белгиланган.
Турнир финали эса Будапешт шаҳридаги "Пушкаш Арена" стадионида бўлиб ўтади. Ҳал қилувчи учрашув 2026 йил 30 май куни ўтказилиши режалаштирилган.
