"As" jurnalisti Xavi Migelning xabar berishicha, ispaniyalik posbonning chap oyoq boldir mushagida kichik yirtilish aniqlangan. Shu sababli Garsiya kamida 2-3 haftani o'tkazib yuborishga majbur bo'ladi.
Eslatib o'tamiz, "Barselona" posboni Chempionlar Ligasi 1/8 finali doirasidagi Angliyaning "Nyukasl" jamoasiga qarshi javob bahsining so'nggi daqiqalarida oyog'idan shikastlangan edi. Ma'lumot o'rnida, kataloniyaliklar ushbu o'yinda 7:2 hisobida ishonchli g'alaba qozonib (birinchi o'yin – 1:1), chorak finalga yo'l olishdi.
