O'yin haqida
- Qiyin g'alabaga erishdik. Qiyin deganimning sababi, “Xorazm” juda yaxshi shakllangan jamoa. Urganchga kelib ochko olib kyetish oson emas. Mezbonlar bugun ham juda yaxshi o'yin namoyish etishdi. Biz himoyadagi ishonchli o'yin va jamoaviy birdamlik evaziga g'alabaga erishdik. Tashkilotchilik uchun “Xorazm” klubi vakillariga minnatdorchilik bildirgan bo'lardim.
- Jamoangiz so'ngi o'rinda bo'lsa ham, ularni g'alabaga undash uchun qanday ishlarni amalga oshirdingiz?
- Ketma-ket mag'lubiyatlar yigitlarga ruhiy tomondan salbiy ta’sir ko'rsatgan edi. Yuzaga kelgan tanaffus vaqtida jamoa bilan jiddiy ishladik. Ruhiy tomondan ularga ishonch zarur edi. Oldindagi o'yinlarda ham g'alabalarga erishib, natijalarimiz ijobiy tomonga o'zgarishidan umid qilamiz.
