Саудияликлар 33 ёшли футболчининг трансфери учун мерсисайдликларга 80-100 млн евро таклиф қилиши мумкин.
Манбага кўра, мисрлик вингерни сотиб олишга MLS клублари ҳам қизиқиш билдирмоқда, аммо молиявий шартлар бўйича Саудия Арабистони жамоалари билан рақобатлашиш қийин.
Аввалроқ Салоҳ "Ливерпуль” бош мураббийи Арне Слот билан муносабатлари ёмонлашгани, шунингдек, ҳозирги вазиятда ўзини айбдор ҳис қилаётганини таъкидлаганди.
Ҳужумчи жорий мавсумда барча мусобақаларда 19 та ўйинда майдонга тушиб, бешта гол ва учта ассист муаллифи бўлди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 45 млн еврони ташкил этади.
