Senegal terma jamoasi turnir tarixida ikkinchi marta chempion bo'ldi. Taqdirlash marosimida FIFA tomonidan turnirning eng yaxshi futbolchilariga individual sovrinlar topshirildi.
Eng yaxshi darvozabon deb 34 yoshli marokashlik Yassin Bunu topildi. U turnirning barcha 7 o'yinida maydonga tushdi, 2 ta gol o'tkazib yubordi, 5 ta o'yinda quruq o'ynadi va bitta penaltilar seriyasida g'alaba qozondi.
Turnirning eng yaxshi futbolchisi deb Senegalning 33 yoshli vingeri Sadio Mane etirof etildi. U 7 o'yinda 2 gol va 2 ta golli uzatma muallifi bo'ldi.
Turnirning eng yaxshi to'purari esa Marokash hujumkor yarim himoyachisi Braim Dias bo'ldi – 7 o'yinda 5 ta gol.
Bundan tashqari, FIFA tomonidan "Feyr-pley" sovrini Marokash terma jamoasiga berildi.
