"Жамоам намойиш этган ўйиндан жуда кўнглим тўлди. Жамоа сифатида яхши ҳаракатландик. Тўпга эгалик қилганимизда кўпроқ агрессив бўлсак янада яхшироқ бўлар эди. Бош ҳакамнинг бир нечта қарорларига умуман қўшилмайман. Пенальтиларни ижро этиш масаласида яна кўп ишлашимиз керак экан. Лекин "лотерея"да кўп нарса омадга ҳам боғлиқ. Умуман олганда, иккита ўйинда иштирок этиб, бирида ғалаба қозондик. Иштирокимиздан қониқдим, энди эса кейинги йиғинлар ҳақида ўйлашимиз керак", – дея фикр билдирди Венесуэла бош мураббийи.
- Баҳс тенг курашлар остида кечди. Ўзбекистон терма жамоасига қандай таъриф бера оласиз?
- Ўзбекистон терма жамоаси худди биз танлаган услубда ўйнамоқда. Жисмоний жиҳатдан кучли жамоа. Интенсивлик юқори футболни хўш кўрадиган мураббий. Шунингдек, стандарт вазиятларга алоҳида эътибор қаратилган. Табиийки, ушбу жамоанинг кучсиз ва кучли томонлари бор эди. Биз улардан фойдаланмоқчи эдик, айниқса ўтиш фазаларида. Тўпга эгалик қилган вақтларимизда рақибда бўш зоналар пайдо бўла бошлади. Бу бизга жуда қўл келди, деб айта оламан. Ўзбекистоннинг камчилиги шунда деб ўйлайман. Ўзбекистон энди "статус"га эга жамоа. Улар ёзда мундиалда ўйнашади. Жамоа бундан олдин ҳам кўплаб саралашларда Жаҳон чемпионати йўлланмасини қўлга киритишга жуда жуда яқин келган. Ҳозиргина кунда ўзбекистонлик футболчилар дунё бўйлаб ҳаракат қилишмоқда.
- Ўзбекистон терма жамоаси уч ойдан сўнг Колумбия терма жамоасига қарши мундиалдаги дастлабки ўйинини ўтказади. Венесуэла ва Колумбия бир минтақада жойлашган қўшни мамлакатлар. Ўзбекистон терма жамоасига Колумбияга қарши ўйиндан олдин қандай маслаҳат берган бўлар эдингиз? Сизнингча, Ўзбекистоннинг яна қандай устунлик ва камчиликлари бор?
- Жуда кучли рақибга қарши баҳс олиб борасизлар, жуда атлетик жамоага қарши. Колумбия терма жамоаси индивидуал жиҳатдан жуда кучли футболчиларга эга. Ушбу футболчилар майдоннинг сўнгги учинчи қисмида фарқни юзага келтириши мумкин.
Менинг фикримча, сизлар асосан жамоавий ўйинга таянмоқдасиз ва ушбу услуб орқали Колумбиянинг маҳоратли футболчиларини бартараф этмоқчисизлар. Агар ўз услубингизга содиқ қолиб, бутун ўйин давомида тартибли ўйин кўрсатсангиз. Колумбиянинг ҳужумдаги асосий қуролларини зарарлантира оласизлар. Ўзбекистон терма жамоаси жисмоний жиҳатдан устунликка эга деб ўйлайман. Сабаби сизлар асосан тезкор ҳужумлар орқали имкониятлар яратяпсиз ва ўйинни ўтиш фазалари орқали қурмоқдасиз.
Ҳимоянгиз яхши шаклланган. Қанот ҳимоячиларингизни алоҳида таъкидлаб ўтмоқчиман. Улар ҳимояда ва ҳужумда ҳам бирдек ўйнай олишар экан. Бу эса ўйин суратини катта таъсир ўтказади. Марказий зонада зичлик ҳосил қилаётганингизда, ҳимоядан ҳужумга чиқиш жараёнида майдон маркази орқали ўйнаб, кейинчалик ҳужумни қанотларда давом эттиришингиз мумкин. Қанот футболчиларингиз эса бутун қанотни тўлиқ ёпа олади. Назаримда, жамоангиз анча рақобатбардош. Табиийки, мундиалда бундан кўпроқ нарсалар талаб этилади. Руҳий жиҳатдан бошлаб, гуруҳ босқичидаги учта ўйинга жисмоний жиҳатдан тайёр бўлиш. Бугун терма жамоангизга қарши ўйин ўтказган жамоа сифатида сизларга омад тилайман ва мундиалда бугунгидан-да яхшироқ ўйин намойиш этишларингизга тилакдошман. Жаҳон чемпионатидаги иштирокингизни кузатиб борамиз. Барчангизга омад!
