- Бугунги учрашувнинг биринчи рўй берган воқейликларни тушунтириб бера оласизми? Жамоа икки дақиқада иккита гол ўтказиб юборди...
- Тўғрисини айтсам, бунинг сабабини тушунтириб беролмайман. Менимча, биз жуда яхши бошладик, ўйинни яхши назорат қилдик, тўп кўп вақт бизнинг назоратимиз остида эди. Шундай бўлса-да, рақиб йўқ жойдан гол уриб кетди, кейин яна бир бор ҳудди шундай гол уришди. Шунинг учун ҳеч қандай изоҳим йўқ. Биз қўлимиздан келганча ҳаракат қилдик, лекин бу етарли бўлмади. Энди фақат узр сўрашимиз керак, холос.
Бугунги учрашув сиз учун алоҳида аҳамиятга эга эдими? Ўз ватанингизда ўйнадингиз. Балки яқинларингиз ёки оила аъзоларингиз бугунги учрашувни стадиондан кузатишгандир?
- Албатта, Норвегияга қайтиш ва Чемпионлар Лигасида илк маротаба иштирок этаётган "Будё"га қарши майдонга тушиш мен учун кўп нарсани англатади . Шубҳасиз, бу ўзига хос учрашувд ва мен бугунги ўйин натижаси яхшироқ бўлишини истардим, аммо афсуски ундай бўлмади.
- Абдуқодир Ҳусанов ва Ҳабиб Нурмагомедов қатнашган ўша видео ижтимоий тармоқларда кенг тарқади. Сиз Ҳусанов билан қандай мулоқот қиласиз? У ҳозир инглиз тилида гаплаша оладими?
- Ҳа, у инглиз тилини ўрганди. Биз биргаликда инглиз тилида гаплашамиз. Ҳуса жуда яхши йигит ва у ўсишда давом этиши керак. Қандай ўйинчи эканлигини исботлаши лозим. Чунки у келажакда бизга жуда керакли бўлади, шунинг учун у диққатини бир жойга жамлаши ва меҳнат қилишда давом этиши керак.
