Вакилларимизни кутиб олиш маросимида иштирок этган сайтимиз мухбири терма жамоамиз дарвозабони Рустам Умаровнинг фикрлари билан қизиқди.
"Мусобақада бизга яратиб берилган шароитлар аъло даражада бўлди. Бунинг учун ЎФА раҳбариятига миннатдорчилик билдирамиз. Ҳар қандай турнирда биринчи ўйин доим қиийн кечади. Гватемала билан ўйинимиз бироз қовушмади. Россия ва Миср билан ўзимиз истагандек ўйнай олдик. Мақсадимиз гуруҳдан чиқиш эди. Олдимизга қўйилган вазифани бажардик",- дейди Рустам Умаров.
