Клубни молиялаштириш анчагина тортилиб қолгани боис "Локомотив" стадиони анчадан буён футбол баҳсларини қабул қила олмаяпти.
"Локомотив" бу йилги Суперлигадаги уй ўйинларини "Бунёдкор" стадионини ўтказиши керак эди. Бунга ЎФА ҳам рози бўлганди, бироқ қуръа ташланганидан кейин FIFA Series мусобақаси учун чимни асрашимиз керак деб, "Локомотив"га "Дўстлик" таклиф қилинди.
Тошкент вилоятидаги стадион бегона бўлмагани учун "темирйўлчилар" меҳмонларни шу ерда қабул қилишни бошлашди.
Бироқ 6-13 апрель кунлари CAFA U-17 мусобақаси бўлиб ўтиши муносабати билан "Локомотив" энди "Дўстлик"ка ҳам сиғмай қолди.
"Темирйўлчилар" 6-турда, 7 апрель куни ўз уйида "Хоразм"ни қабул қилишлари лозим. Бу баҳсни клуб қайси стадионда ўтказишни ўйлаб жуда қийналди.
Терма жамоа Жаҳон чемпионатига муносиб тайёрланиши учун ПФЛ май ойидаги ўйинларни бир амаллаб апрель ва июль ойларига кўчирди. Энди ЎФА томонидан "Локомотив"га қилинаётган муносабат чиройли эмас менимча.
Ўтган йил ёзда деярли шунга ўхшаш вазият ҳақида мақола ёзгандим. Ўшанда ҳам ЎФА Суперлигага худди ўгай ўғил каби муносабатда бўлган эди.
Ичкарида ким ўтирибди? Ўқитувчилар? Чиқар ҳаммасини ташқарига!
Билиб қўйинг, Суперлига ўгай эмас, у ҳам ўзимизники.
