Бу ҳақда инсайдер Флориан Плеттенберг маълум қилди.
Манбанинг қайд этишича, Клопп ҳар доим мадридликлар билан ишлаш истиқболига ижобий муносабатда бўлган. Шунингдек, у Германия миллий терма жамоасидан таклиф тушса, мураббийлик фаолиятига қайта киришга ҳам тайёр экани айтилмоқда.
"Реал" 12 январь куни Хаби Алонсонинг клубни тарк этганини эълон қилганди. Альваро Арбелоа "қироллик клуби"нинг янги бош мураббийи этиб тайинланди.
Клопп илгари "Майнц", "Боруссия" Дортмунд ва "Ливерпуль" жамоаларида ишлаган. У "Ливерпул"ни 2023/24 йилги мавсум охирида тарк этган. 2025 йилнинг январь ойида эса "Red Bull" спорт бўлимида халқаро алоқалар бўйича директор лавозимини эгаллаган эди.
