21 ёшли футболчига қизиқиш ортиб бормоқда ва сўнгги хабарларга кўра, "Манчестер Сити" у учун курашга қўшилди.
"Football Insider"нинг хабар беришича, футболчига эътибор унинг Португалия терма жамоасидаги дебютидан ва бу мавсумдаги ўйинларидан кейин кучайган.
"Вест Хэм"даги вазият футболчининг келажагига ҳам таъсир қилиши мумкин. Клуб Премьер-лигадаги ўрнини сақлаб қолиш учун курашмоқда ва якуний натижадан қатъи назар раҳбарият бир қатор футболчиларни сотишни кўриб чиқиши мумкин. Фернандеш кетиш учун асосий номзодлар қаторида.
"Манчестер Сити" бош мураббийи Пеп Гвардиола жамоа ярим ҳимоясини кучайтиришга қизиқиш билдирмоқда, айниқса, таркибдаги ўзгаришлар, жумладан, асосий ўйинчиси Бернарду Силванинг кетиши эҳтимоли ҳисобга олинса.
"Манчестер Сити" ҳозирда Англия чемпионати жадвалида 30 ўйиндан сўнг етакчидан 9 очко ортда борган ҳолда 2-ўринда турибди.
