"Yangi mavsumga puxta tayyorgarlik ko'rayotgan "Dinamo" jamoasi 6 fevral kunidan Birlashgan Arab Amirliklarida ikkinchi xorij yig'iniga kirishadi.
Vadim Abramov bosh murabbiyligidagi "Dinamo" jamoasining Dubay yig'inidagi dastlabki o'rtoqlik o'yini Rossiyaning 10 karra chempioni – "Zenit"ga qarshi bo'lib o'tadi. Uchrashuv 9 fevral kuni Abu-Dabi shahrida o'tkazilishi belgilangan.
Samarqand jamoasi yanvar oyidagi 1-yig'inda Abu-Dabida Moskvaning SSKA klubini mag'lub (4:3) etgach, bu safar Sankt-Peterburg jamoasi bilan o'yin borasida kelishuvga erishdi. Qayd etish joiz, Vadim Abramov va Sergey Semak shogirdlari so'nggi ikki yilda ikkinchi bor to'qnash kelishmoqda. Avvalgi o'yin ham 2024 yil Abu-Dabida bo'lib o'tgan va unda piterliklar 5:1 hisobida g'alaba qozongandi.
Tez orada jamoamizning yig'in doirasidagi barcha raqiblari haqida ma'lumot beramiz", – deyiladi klub matbuot xizmati xabarida.
O'rtoqlik o'yini. 9 fevral (dushanba)
"Zenit" (Rossiya) – "Dinamo" (O'zbekiston)
BAA, Abu-Dabi
