АПЛда ўтган ойнинг энг яхши мураббийи аниқланди

Sherzod Nurmatov
7 ноя 2025
"Манчестер Юнайтед" бош мураббийи Рубен Аморим Премьер-лиганинг октябрь ойидаги энг яхши мураббийи деб топилди.

Бу ҳақда турнир матбуот хизмати эълон қилди.

МЮ Англия чемпионатида 3 ўйиннинг ҳаммасида ғалаба қозонди — "Сандерленд" (2:0), "Ливерпуль" (2:1) ва "Брайтон" (4:2). 

"Қизил иблислар" 10 турдан сўнг мусобақа жадвалида 17 очко тўплаган ҳолда саккизинчи ўринда бормоқда.

8 ноябрь, шанба куни Аморим жамоаси Лондоннинг "Тоттенхэм" жамоасига қарши баҳс юритади. Ўйин Тошкент вақти билан соат 17:30 да бошланиши режалаштирилган.


Sherzod NurmatovМуаллиф
Манба: premierleague.com