

Футболчи бир қанча саволларга қисва ва лўнда жавоб қайтарган.
- Нега 45-рақамни танлагансиз?
- Беларуснинг "Энергетик-БГУ" жамоасида ўйнаган пайтимда – профессионал футболдаги дастлабки қадамимни 45-рақамда бошлаганман. Шунинг учун бу ерда ҳам 45-рақам.
- Марказий ҳимоячи ёки ўнг қанот ҳимоячи? Қайси позицияда ўйнаш сизга кўпроқ ёқади?
- Марказий ҳимоячи.
- Ҳозиргача фаолиятингиздаги энг яхши, энг эсда қоларли воқеа қайси?
- ПСЖга қарши "Ланс"даги энг охирги ўйиним.
- Агар нафақага чиққан ҳимоячилардан бирини идеал марказий ҳимоячи шерик сифатида танлаш имконияти бўлганида, кимни танлардингиз?
- Фабио Каннаваро.



