Juda kuchli yomg'ir ostida o'tgan uchrashuvning 11-daqiqasida sheriklari tomonidan oshirilgan to'pni Jovanni Dos Santos darvozaga yo'lladi. Biroq yon hakam meksikalik futbolchi ofsayddan gol urdi deb uni inobatga olmadi. Takroriy lavhalar hujumchi o'yindan tashqari holatda bo'lmaganini ko'rsatdi.

Oradan 5 daqiqa o'tgach endi Kamerun gol urdi. Bu safar hakamlar o'yindan tashqari holatni aniqlashda xatoga yo'l qo'yishmadi.

21-daqiqada Assua-Ekotoning chap qanotdan yorib kirib, EtoOga oshirgan to'pini Samuel darvozaga yo'lladi, lekin to'p ustunga tegib maydon tashqarisiga yo'l oldi. Ushbu vaziyatda Kamerun hisobni ochishga juda yaqin kelgandi.

Uchrashuvdagi hisob 61-daqiqada ochildi. Dos Santosning darvozaga yo'llagan to'pini Itanj qaytardi va unga birinchi bo'lib etib kelgan Peralta hisobni ochdi - 1:0.

Hakam tomonidan qo'shib berilgan daqiqada Assua-Ekottoning pasidan so'ng Mukanjo boshi bilan darvozaga yo'lladi, Ochoa chiroyli seyv bilan to'pni egallab oldi.

Shu tariqa Meksika mundialning ilk uchrashuvida haqli ravishda uch ochkoni qo'lga kiritdi.

Ikkinchi turda guruh peshqadamlari Braziliya va Meksika o'zaro kuch sinashishadi.

MEKSIKA - KAMERUN 1:0
13 iyun. 21:00.
Natal. “Das Dunas” stadioni.
Bosh hakam: Vilmar Roldan (Kolumbiya)
Yordamchi hakamlar: Umberto Klavixo, Eduardo Diaz (ikkisi Kolumbiya)
To'rtinchi hakam: Norbert Xauata (Taiti)

Gol: Peralta, 61.

MEKSIKA:13.Ochoa, 22.Agilar, 2.F.Rodriges, 4.R.Markes, 15.Moreno, 7.Layun, 6.Errera (3. Salsido, 90+1), 23.Vaskes, 18.Guardado (8. Fabian, 69), 10.Dos Santos, 19.Peralta (14. Chicharito, 73)

KAMERUN: 16.Itanj, 2.Assu-Ekotto, 3.Nkulu, 4.Jeugun (5. Nunke, 46), 6.Song (15. Vebo, 79), 8.Mukanjo, 14.Shedju, 18.Eno, 17.M`Bia, 9.Eto'O, 13.Chupo-Moting

Ogohlantirishlar: Moreno, 57. Nunke, 77.

"A" guruhidagi vaziyat

#	Jamoa	O'	YU	D	M	UG - O'G	T-N	O
1	Braziliya	1	1	0	0	3 - 1	2	3
2	Meksika	1	1	0	0	1 - 0	1	3
3	Kamerun	1	0	0	1	0 - 1	-1	0
4	Xorvatiya	1	0	0	1	1 - 3	-2	0

Narzulla Saydullaev.

JCH-2014. Yomg'ir ostida o'tgan bahsda "acteklar" g'alaba qozonishdi