Uchrashuvdagi yagona gol birinchi bo'limning 42-daqiqasida kiritildi. Janubiy Koreya terma jamoasi vakili Kim Yong Vonning O'zbekiston jarima maydonchasiga uzatib bergan to'pini milliy terma jamoa himoyachisi Akmal Shorahmedov, kutilmaganda o'z darvozasiga yo'llab qo'ydi. Ikkinchi bo'limda Qosimov shogirdlari tashabbusni o'z qo'llariga ola bilishdi. Ammo, kerakli vaziyatda milliy terma jamoa futbolchilari harakatlarida aniqlik etishmadi.

Eslatib o'tamiz, O'zbekiston milliy terma jamoasi 10-turda, 18 iyun kuni, Qatar terma jamoasiga qarshi maydonga tushadi.

O'zbekiston milliy terma jamoasi 10-turda Qatar terma jamoasi ustidan g'alaba qozonib, Eron Janubiy Koreya terma jamoasiga mag'lub bo'lsa, O'zbekiston milliy terma jamoasi JCH-2014ga to'g'ridan-to'g'ri yo'llanma oladi.

O'zbekiston milliy terma jamoasi 10-turda Qatar terma jamoasini mag'lubiyatga uchratgan taqdirda ham, Eron terma jamoasi 9-turda Livan va 10-turda Janubiy Koreyani mag'lubiyatga uchratsa to'g'ridan-to'g'ri JCH-2014 final bosqichiga yo'llanma oladi, O'zbekiston esa kurashni 5-bosqich pley-off bosqichida davom ettiradi.

JCH-2014 4-SARALASH BOSQICHI: 9 TUR. 11 IYUN, SESHANBA
JANUBIY KOREYA – O'ZBEKISTON - 1:0
GOL: A. Shorahmedov (42 avtogol)
Ogohlantirishlar: Pak Chong Vu (32), Kim Shin Vuk (36) - Shohruh Gadoev (78).
Janubiy Koreya: Jung Sung Ryong, Pak Chong Vu, Kvak Tae Xvi (Kim Ki Xi, 81), Myong Ju Li, Son Xyong Min, Li Kyon Xo (Li Dong Guk, 64), Kim Chang Su, Li Chung Yong (Ji Dong Von, 90+3), Kim Shin Vuk, Kim Chi Vu, Kim Yong Von.
O'zbekiston: Ignatiy Nesterov, Anzur Ismoilov, Azizbek Haydarov, Server Jeparov, Odil Ahmedov, Ulug'bek Baqoev (Aleksandr Geynrix, 74), Temur Kapadze (Farhod Tojiev, 84), Vitaliy Denisov, Islom To'xtaxo'jaev, Shohruh Gadoev, Akmal Shorahmedov (Sanjar Tursunov, 76)
Bosh hakam: Tojo Minoru (Yaponiya)
Assistent 1: Xideaki Nishio (Yaponiya)
Assistent 2: Sindzi Ochi (Yaponiya)
Komissar: Talal Al Suylimin (Iordaniya)

JCH-2014 saralashi: O'zbekiston Janubiy Koreyaga mag'lub bo'ldi