Mundialga ko'p futbolchilar o'zlari bilan kerakli narsalarni olib ketishadi. Masalan Angliya terma jamoasi azosi Beyns o'zi bilpn gitarasini olib ketgan. Bo'sh vaqtlarida ovunib o'tirish uchun. Bazi futbolchilar esa boshqa narsalarni olib ketishmoqda. Biz sizga so'zlamoqchi bo'lgan besh futbolchilar o'zlari bilan Braziliyaga "omadli" butsalarini olib ketishmoqda.

5. Krishtiano Ronaldo - Portugaliya (49 gol)

Mundialda ishtirok etayotgan jamoalar safida hozirda eng ko'p gol kiritgan futbolchilar beshligini amaldagi "Oltin to'p" sohibi Krishtiano Ronaldo ochib beradi.
Portugaliya terma jamoasi yulduzi hisobida 49 ta gol mavjud. Aynan shu futbolchininig iqtidori va gollaridan butun Portugaliya xalqi umidvor. Evropa braziliyasining muvaffaqiyatli ishtiroki ko'proq Ronaldoga bog'liq.

4. Samuel Eto`O - Kamerun (56 gol)

Keyingi to'rtinchi pog'onada Samuel Eto`O bormoqda. Kamerun terma jamoasi hujumchisi 56 bor raqib darvozasini ishg'ol etishni uddasidan chiqqan. Bu futbolchi ham Kamerunning ayni paytda etakchisi hisoblanadi.

3. David Vilya - Ispaniya (58 gol)

Uchinchi o'rinda Ispaniya terma jamoasi "snayperi" David Vilya turibdi. Ushbu hujumchining terma jamoa uchun kiritgan gollari soni 58 tashkil etadi. David Vilya ushbu mundialda jamoasining asosiy hujumchisi sifatida o'ynashi qo'roq ostida. Sababi, Ispaniya tarkibida Diego Kosta va Fernando Torres kabi futbolchilar ham mavjud. Agarda Kostani jarohati bezovta qilmasa, katta ehtimol bilan Diego Kosta mundialda "qizil furiya"ning asosiy hujumchisi bo'ladi.

2. Dide Drogba - Kot-d`Ivuar (65 gol)

Ikkinchi pog'onada Kot-d`Ivuar etakchisi Dide Drogba bormoqda.
Bu goledor hisobida 65ta gol bor. Dide Drogba terma jamoasini mundialda o'z ortidan etaklay olishi taxmin qilinmoqda. Drogba uchun bu mundial so'nggisi bo'ladi. Albatta, o'zining ohirgi chempionatida Drogba yanada mazmunli va kuchliroq o'ynashga harakat qilishi aniq.

1. Miroslav Kloze - Germaniya (69 gol)

Oliy o'rinda Miroslav Kloze turibdi. Klozening hisobida 69 ta gol mavjud. Mundialda qatnashayotgan ichida eng ko'p raqiblar posbonini ranjitgan futbolchi bu Kloze. Shuningdek, u yana bir katta rekord ostonasida turibdi. Agarda Braziliya maydonlaridagi mundialda Mirko kamida ikkita to'p kiritadigan bo'lsa, u afsonaviy hujumchi Ronaldoni gollar soni bo'yicha ortda qoldiradi va Jahon chempionatlari tarixidagi eng yaxshi to'purarga aylanadi.

Umuman olganda, Kloze mundialda qay tarzda o'ynash kerakligini juda yaxshi biladi. Miroslav Kloze uchun bu chempionat to'rtinchisi hisoblanadi. Bungacha Kloze 2002, 2006, 2010 yillarda o'tkazilgan mundiallarda ishtirok etgan va barcha chempionatlarda gol kirita olgan. Dastlabki mundlialda 6ta, keyingisida 5ta va JARda o'tkazilgan chempionatda raqiblar darvozasiga 3 marta yo'l topa olgan. Bu safargi mundialda ham Kloze to'p kirita oladimi-yo'qmi degan savol hozirda juda ko'pchilikni qiziqtirmoqda.

Shahboz Beg'amov tayyorladi.

JCH-2014. Mundialga borayotgan goleadorlar TOP-5