- Ўйин ҳақида фикрингиз?
- Бугун Яйпанда илк учрашувни ўтказдик ва ғалаба қозондик. Бу билан барчани табриклайман. Ҳар турдан кейин турнир жадвали чиқади, лекин футболни жадвалга қарамасдан ўйнаш керак. Шундагина янаям қизиқ бўлади. Пролигада ўткинчи ўйиннинг ўзи йўқ. Суперлигага чиқишни мақсад қилган жамоалар кўряпмизки, кутилмаганда ёш жамоаларга имкониятни бой бериб қўйяпти. Бу дегани Пролигада ҳеч кимга осон бўлмайди. Биз ҳар бир ўйинни худди финал каби ўтказишга ҳаракат қиламиз.
- Учта ўйиндан бери жамоангиз бошланғич таркиби ўзгармаяпти. Келаси тур сафарда "Шўртан" билан ҳам шундай бўладими?
- Худди шу таркиб майдонга тушади. Чунки очко оляпмиз, нимага энди таркибни ўзгартиришимиз керак? Худо кўрсатмасин, эртага очко йўқотиб қўядиган бўлсак, сизнинг ўрнингизда бошқаси умуман бошқа саволни беради. Нега ютган таркибни алмаштирдингиз деб сўрайди. Шунинг учун ютуқ олиб келаётган таркибни ўзгартирмаган маъқул деб ўйлайман. Албатта, бошқа футболчиларимиз ҳам бор, лекин ҳозирги таркибимизнинг ҳаракатидан кўнглимиз тўляпти.
