Xorvatiya klubi birinchi o'yinda Irlandiyada Dandolkni 2:0 hisobida taslim qildi.

Ushbu jamoa safida o'zbekistonlik hujumchi Temurxo'ja Abduxoliqov to'p tepmoqda. Qozog'istonning Sports.kz nashri vakili 22 yoshli futbolchi bilan bog'lanib Xorvatiya va Xayduk borasida savollar berdi.

- Tima, Qozog'istonda 90-yillarda Jetisu safida Toxir Abduxoliqov o'ynagan. Bu sizning qarindoshingiz emasmi?
- Toxir Abduxoliqov?!!! (Kuladi). Bu tasodif. Meni Toxir Abduxoliqov degan amakim bor, ammo u hech qachon futbol bilan shug'ullanmagan.

- Qozog'istondagilar Xayduk keyingi bosqichda Shaxtyorga raqiblik qilishini taxmin qilishmoqda. Splitdagilar qanday fikrda?
- Splitda ham uchinchi saralash bosqichida aynan Qarag'andaning Shaxtyor klubi to'qnash keladi deb hisoblashmoqda.

- Shaxtyor haqida nimalar bilasiz? O'tgan mavsumda jamoaning evrokuboklardagi ishtirokini kuzatib bordingizmi?
- Bu klub haqida biroz malumotga egaman. Bu jamoada O'zbekistonda ishlab ketgan Viktor Kumikov faoliyat olib bormoqda. Juda tajribali, kuchli mutaxassis. O'tgan yil jamoa Evropa chempionlar ligasii so'nggi saralash bosqichida biroz omad etishmaganini bilaman. Ushbu klubda tanishlarim ham o'ynashmoqda.

- Siz Shaxtyor o'yinchilari Shavkat Salomov va Kamoliddin Murzoev, sport direktori Ulug'bek Asanbaev, bosh murabbiy Viktor Kumikov bilan tanishmisiz?
- Salomov va Murzoev bilan shaxsan tanishman, Asanbaev va Kumikovni esa shaxsan bo'lmasa ham taniyman, ular haqida ko'p eshitganman.

- Xaydukka o'tib faoliyatingizda oldinga qadam tashladingizmi?
- Albatta, bu men uchun katta plyus bo'ldi.

- O'zbekiston chempionatidan Xorvatiyaning etakchi klublaridan biriga o'tish oson bo'ldimi?
- Yo'q, albatta, - qiyin bo'ldi. Jamoaga kelishdan oldin yaxshi sifatlarimni ko'rsatishim kerak edi. O'zingiz bilasiz legioner mahalliy futbolchilardan bir bosh ustun bo'lishi kerak.

- Siz Xorvatiyada Xayduk safida o'ynayapsiz, yana bir hamyurtingiz Xusniddin G'ofurov Serbiyada Yavor safida faoliyat olib bormoqda. Ikkalangizning agentingiz bittami?
- Yo'q. G'ofurov bilan tanish emasman. Agentimning O'zbekistondagi yagona vakili menman.

- O'tgan mavsumdan keyin Xaydukda qanday o'zgarishlar sodir bo'ldi?
- Agar Xayduk haqida malumot olmoqchi bo'lsangiz, internetda o'tgan yilgi va bu yilgi tarkiblarni solishtirish mumkin. Men sizga klub haqida malumot bera olmayman.

Narzulla Saydullaev tarjimasi.

Temurxo'ja Abduxoliqov: "Shaxtyor"da tanishlarim to'p tepishmoqda"