"The Touchline" маълумотларига қараганда, 32 ёшли марказий ҳимоячи фаолиятидаги сўнгги клуб сифатида айнан "Манчестер Юнайтед"ни танлаган.
Хабар қилинишича, Манчестердаги жуда оғир даврдан сўнг Магуайрнинг ўзига бўлган ишончи анча мустаҳкамланган ва энди у футболчи сифатидаги фаолиятини "Юнайтед" либосида якунлашга қатъий қарор қилган.
Аввалроқ ОАВда Магуайр бу ёзда эркин агент сифатида жамоани тарк этиши мумкинлиги ҳақида ёзилганди, аммо ҳозирча бу режалар ўзгарганга ўхшайди.
Англиялик ҳимоячи 2019 йилда 87 млн евро эвазига "Лестер"дан "Манчестер Юнайтед"га ўтган. У "қизил иблислар" сафида 259 ўйин ўтказиб, 17 та гол урди ва 9 та голга ассистентлик қилди.
Магуайрнинг МЮ билан амалдаги битими жорий ёз охиригача амал қилади.
