-“So'g'diyona” hurmatga loyiq jamoa ekan. Jamoaning Buxoro va Samarqandda o'tkazgan o'yinlarini tahlil qilib chiqqanimda, jamoa bugungidanda yaxshiroq harakat qilgan edi. Bugun ham ko'rdinglar, bizga munosib qarshiliq ko'rsatishdi.
O'yinga keladigan bo'lsak, bolalar men kutgan o'yinni ko'rsata olishmadi. Buni albatta tahlil qilib chiqamiz. QOlaversa bugun taktik sxemamizda ham o'zgarishlar bo'ldi. BAlki bolalar bunga hali to'liq moslashib keta olishmagandir. Shu sabab gol urishimiz ham cho'zilib ketdi.

-Bugungi o'yinda asosiy tarkibda doim maydonga tushib kelayotgan Muhammadiev va Yunusov zaxirada qoldirildi. Bu ham o'sha sxema bilan bog'liqmi yoki...

-Bu keying turda “Bunyodkor” bilan o'ynashimiz bilan bog'lik, desam bo'ladi. Chunki bu futbolchilar muntazam ravishda maydonga tushib kelishmoqda. Shu bois keyingi turda bo'ladiga o'ta muhim o'yin oldidan ularni asrashga harakat qildik. Ularning o'rnida harakat qilgan yosh futbolchilar esa tezda o'yinga kirishib keta olishmadi.

-Gadoev bugun oxirgi 10 daqiqada maydonda harakat qildi. Bugun uning holatidan kelib chiqib imkon berdimizmi yoki Shohruh bundan ko'proq vaqt davomida maydonda harakat qila oladimi?

-Gadoev haqida mendan juda ko'p so'rashadi.: Bir malumotni aytib qo'yishim lozim: Gadoev hozir maydonga chiqib, birdaniga o'tgan yildagi o'yinlarini ko'rsata olishini kutmanglar. Biz uning imkoniyatidan kelib chiqib maydonga tushirayapmiz. Asta-sekin uni o'sha avvalgi formasiga kirib olishi uchun imkon yaratamiz. Buni bosqichma bosqich amalga oshiramiz. U roppa rosa bir yilgacha jarohatini tiklash bilan ovora bo'ldi. Bugungi bahsda ham uni hali optimal formasiga kirib olishiga ancha vaqt borligiga guvoh bo'ldinglar. Gadoevni eng yaxshi tarafi bu tezligi edi. U ruhiy va jismoniy tomondan o'yinga 100 foiz tayyor bo'lsa, albatta uni maydonga tushiramiz. Hozirgi kunda u bizga juda kerakli o'yinchi. Chunki aynan shu qanotda harakat qilayotgan Sayfiev terma jamoa safida Osiyo o'yinlarida ishtirok etmoqda.

"Nasaf" matbuot xizmati.

Ro'ziqul Berdiev: “So'g'diyona” hurmatga loyiq jamoa”