Френки де Йонг ва Фермин Лопес "Реал Сосьедад"га қарши баҳсдаги (1:2) ҳакамликни танқид қилгани учун жазоланмайди.
Эслатиб ўтамиз, нидерландиялик ярим ҳимоячи ўйиндан сўнг шундай деган эди: "Хиль Мансано менга худди "мен сендан устунман" дегандек қаради. У ўзини бундай тутмаслиги керак. Ямалнинг голида ҳеч қандай офсайд кўрмадим".
Фермин Лопес эса Ламин Ямалнинг бекор қилинган голи устидан кулиб, ижтимоий тармоқларга ВАР эпизодидан кадр ва кулаётган эмодзиларни жойлаштирган эди.
As нашри берган хабарга кўра, Испания Қироллик футбол федерацияси (RFEF) интизом қўмитаси "Барса" ўйинчиларига нисбатан ҳеч қандай санкция қўлламасликка қарор қилган.
