55 ёшли испаниялик мутахассиснинг амалдаги шартномаси 2026/27 йилги мавсум охиригача мўлжалланган.
Томонлар 2030 йил ёзигача амал қиладиган янги келишувни муҳокама қилмоқда. Келажакдаги шартнома тафсилотлари, шу жумладан молиявий шартлар ҳали ошкор этилмаган.
Энрике Париж клубини 2023 йилнинг ёзида қабул қилиб олганди. Унинг қўл остида ПСЖ икки марта Франция чемпионати ва кубогини, уч марта мамлакат Суперкубогини, шунингдек, Чемпионлар Лигаси, УЕФА Суперкубоги ва қитъалараро кубокни қўлга киритди.
ПСЖ жорий мавсумда 20-турдан сўнг 48 очко жамғариб, Лига 1да 2-ўринни эгаллаб турибди.
