Париждаги "Парк де Пренс" стадионида кечган баҳсда мезбонлар 2:0 ҳисобида ишончли ғалабани қўлга киритишди. Учрашувни испаниялик ҳакам Хосе Санчес Мартинес бошқариб борди.
Ўйиннинг 11-дақиқасидаёқ ПСЖ ҳужумчиси Дезире Дуэ ҳисобни очишга муваффақ бўлди. Баҳснинг 65-дақиқасида эса вингер Хвича Кварацхелия парижликларнинг иккинчи голини киритиб, якуний ҳисобни ўрнатди. ПСЖ дарвозабони Матвей Сафонов бир нечта муҳим сейвларни амалга ошириб, ўз дарвозаси дахлсизлигини сақлаб қолди.
ПСЖ - “Ливеруль” 2:0
Гол: Дуэ 11, Кварацхелия 65.
ПСЖ: Сафонов, Хакими, Маркиньос, Пачо, Мендеш, Заир-Эмери, Витинья, Невеш, Дуэ, Дембеле, Кварацхелия.
"Ливерпуль": Мамардашвили, Гомес, Конате, ван Дейк, Керкез, Гравенберх, Мак Аллистер, Собослаи, Вирц, Фримпонг, Экитике.
Жамоалар ўртасидаги жавоб учрашуви 14 апрель куни Ливерпулдаги "Энфилд" стадионида бўлиб ўтади.
