Pogbaning fikricha, "Manchester Yunayted"dagi muvaffaqiyatsizliklar portugaliyalik yulduzning shaxsiy yutuqlariga soya solmoqda.
"Brunu Fernandesh hozirgi "Manchester Yunayted"dagidan ko'ra ko'proq narsaga qodirmi? Sizningcha, boshqa jamoada u "Oltin to'p" uchun kuchli uchlikka kirmagan bo'larmidi?
Menimcha, agar uni "Manchester Siti"ga olib o'tsangiz, uning statistikasi, o'yin darajasi va boshqa barcha jihatlarini hisobga olsak, u albatta kuchli uchlikda bo'lardi. Ammo agar jamoang bilan g'alaba qozonmasang, seni hech kim eslamaydi", - dedi francuz yarim himoyachisi.
Eslatib o'tamiz, Brunu Fernandesh "Manchester Yunayted" safida eng ko'p golli vaziyatlar yaratadigan futbolchilardan biri bo'lsa-da, klubning so'nggi yillardagi beqaror natijalari uning nufuzli individual sovrinlar uchun kurashishiga yo'l qo'ymayapti. Pogba esa aynan jamoaviy muvaffaqiyat individual etirof uchun qanchalik muhimligini takidlamoqda.
