Sekin ko'zidagi yoshlarni artib Allohga shukronalar aytdi. Axir chempionatda va Osiyo chempionlar ligasida g'olib bo'lishni o'zi bo'ladimi?

Futbolchilar bayram qilishar U esa jimgina ko'zida yosh bilan ularni kuzatardi. Aslida U bunga avvaldan loyiq edi lekin taqdir unga sinov berib, matonatini shakllantirdi. O'tgan kunini esga oldi.

U o'rinbosarlar jamoasida ishlab yurgan vaqtlari bir ikkita futbolchilarni bosh murabbiyga tavsiya etdi. Lekin bosh murabbiy tavakkal qilishni istamadi, yoshlarni o'ynatishga xoxishi yo'qligini, unga tajribali o'yinchi kerak ekanligini aytdi. U esa indamay o'sha yoshlarni tarbiyalashda davom etdi.

Yakunda ana shu yoshlar bugun chempion. O'tgan kunlarini o'ylab, futbolchilar oldiga bordi ularning xursandchiligiga sherik bo'ldi. Shu kuni barcha xursand edi. Jamoa tarixida yangi sahifa ochilgandi. Osiyo chempionlar ligasida U avval ham jamoasi bilan ishtirok etgandi lekin natija yaxshi bo'lmagandi aynan mana shu omadsizlikdan so'ng U chin manoda o'sdi, shakllandi.

Omadsizlik ortida albatta omad yotadi faqat uni kalitini topa olish kerak. U kalitni topdi. Avvaliga 2 ta saralashdan o'tib olib guruh bosqichi ham yaxshi yakunlandi. Buyog'iga jiddiy raqiblar uchrashi tabiiy edi. Buni U bilardi shogirdlariga bo'shashmaslikni aytdi. Jamoalar yaxshi o'rganilib, birin ketin mag'lub etildi.

Osiyo chempionlar ligasi yarim finali bahsi juda qiyin kechdi. Uni jamoasi safarda 2 ta to'p farqi bilan mag'lub bo'lgandi. Shunda muhlislar unga yordamga kelishdi. Ruhan unga madad berishar, finalga chiqishiga ishonishlarini takror va takror aytishardi. Muxlislarning so'zlari uni juda tasirlantirib yubordi. O'yin og'ir kechgan bo'lsada, uni jamoasi finalga chiqdi. Final uchrashuvi ham juda og'ir bo'ldi. Jamoa o'z o'yinini namoyish etib, yakunda g'olib bo'ldi. Mana hozir U g'oliblik medalini qabul qiladi. "NASAF QARSHI O'ZBEKISTON" nomi yangragach U qalbida bir o'zgacha iftixor tuydi...

P.S. Yuqorida so'z kim haqida borganini sezgandirsiz? Ha, bu Ro'ziqul Berdiev edi. Ajoyib inson juda ham hurmat qilaman ularni va aynan "Nasaf"ning kelajakdagi yutuqlari albatta shu inson bilan bog'langandek nazarimda. Hayotda bashorat qilish, kelajakni ko'rish insonlarga yaxshilik keltirmasligi bor gap. Lekin xalqimizda "orzuga ayb yo'q" degan dono maqol ham bor. O'ylab ko'rsam "Nasaf" jamoasini erishmagan 3 ta yutug'i bor ekan. Bular O'zbekiston chempionligi va kubogi va eng katta yutuq Osiyo chempionlar ligasi g'olibligi. Boshlanajak mavsumda hech bo'lmaganda ularning bittasiga erishishiga muxlislar bilan qolaversa saytimiz ijodkorlari bilan niyat qildik. Biz insonmiz... Biz O'zbekmiz yomonlikdan ham yaxshilik qidiradigan xalqmiz. Niyatimiz yaxshi bo'lsa unga albatta erishamiz. Hozircha esa omon bo'ling. Finalda uchrashguncha...

Ulug'bek Yahyoev

Orzuga ayb yo'q