Toshkentning "Bunyodkor" klubi o'z tarixida beshinchi marta O'zbekiston chempioni nomiga sazovor bo'ldi. "Lokomotiv" birinchi bor kumush medallarga ega chiqqan bo'lsa. "Nasaf" mavsumni uchinchi o'rinda tugatdi.

"Guliston" va "Sho'rtan" klublari oliy ligani tark etishdi.

Biz etiboringizga oxirgi 10ta chempionatning asosiy ko'rsatkichlarini taqdim etmoqchimiz.

2009 yilda oliy liganing har bir o'yiniga o'rtacha 7000dan ziyod tomoshabin tashrif buyurgan. Bu yil esa bu ko'rsatkich atiga 4241ni tashkil qildi. O'tgan yilga nisbatan umumiy tomoshabinlar soni 1,27 marta kamaydi.

Qizig'i, tomoshabinlar soni kamayib borayotgan bir vaqtda gollar soni ortib bormoqda. Oxirgi 10 yillikni olib qarasak bu yilgi chempionatdagi o'rtacha gollar soni uchinchi o'rinda qayd etiladi. Faqat 2004 (har bir o'yinga 3,18tadan gol) va 2006 yillarda (3,03) ko'rsatkichlar balandroq bo'lgan xolos.

Quyida so'nggi 10 yillikdagi statistika bilan tanishib oling:

Yil	Jami tomoshabin	O'rtacha tomoshabin	Jami uchrashuvlar	Jami gollar	O'rtacha gollar
2004	993 000	5486	182	579	3,18
2005	1 061 950	5835	182	543	2,98
2006	1 220 578	5086	240	727	3,03
2007	1 231 200	5130	240	682	2,84
2008	1 354 193	6425	240	571	2,38
2009	1 755 317	7314	240	672	2,80
2010	1 270 191	6979	182	424	2,33
2011	1 272 366	6991	182	452	2,48
2012	987 138	5424	182	460	2,53
2013	771840	4241	182	544	2,99

Narzulla Saydullaev.

Oliy liga-2013. Gollar soni ko'paydi, tomoshabinlar esa...