Манбанинг хабар беришича, "Челси", "Арсенал" ва "Манчестер Сити" 21 ёшли ярим ҳимоячига қизиқиш билдирган, аммо футболчининг ўзи фаолиятини давом эттириш учун фақат битта вариантни кўриб чиқаётганини айтди: Испания грандига қайтиш.
"Реал" бу ёзда қайтариб сотиб олиш имкониятидан фойдаланишни режалаштираётгани ҳақида хабарлар тарқалганди. Аввалроқ келишув тахминан 9 миллион еврога баҳолангани хабар қилинган эди.
Мадрид клуби Пас асосий ўйинчи бўлишига умид қилмоқда ва уни жаҳон футболининг келажакдаги супер юлдузи деб билади.
Нико Пас 2016 йилдан 2024 йилгача "қаймоқранглилар" тизимида ҳаракат қилган, шундан сўнг "Комо"га қўшилган. У жорий мавсум 33 ўйинда майдонга тушиб, 11 та гол урди ва 6 та голга ассистентлик қилди. Transfermarkt портали уни 65 миллион еврога баҳоламоқда.
