O'zbek hujumchisi Ukraina chempionatida o'zining 124-golini urib "Dinamo"ning hozirgi murabbiyi Sergey Rebrovning natijasini yaxshiladi.

"Ha, gol urdim. Ammo jamoamga ijobiy natija olib kelmadim. To'g'risini aytaman, rekord haqida juda ko'p o'ylaganim yo'q. So'nggi vaqtlarda jurnalistlar faqat shu to'g'risida qiziqishayotgandi. Hakamlar esa "Qachon gol urasan" deb so'rashni boshlashgan edi.

-Siz nima deb javob berdingiz?

Shunday dedim: O'zingizni bosing, hammasi bo'ladi - gol mendan hech qaerga qochib ketmaydi. Shunday ham bo'ldi.Endi yana olg'a intilishda davom etaman - shug'ullanaman, o'ynayman, tayyorlanaman.

-Siz chempionatni ilk turida ikki gol urdingiz, keyin ketma-ket beshta o'yinda raqibni ranjitmadingiz. Rekord golini urish niyati sizga maydonda halaqit bermadimi?

Yo'q. Agar rekord haqida o'ylayverganimda, bu menga halaqit qilishi aniq edi. Men rekordni o'ylamaslikka harakat qildim. Men hujumchiman, hujumchi esa gol urishga yoki golga pas berishga harakat qiladi. Bu barcha o'yinlarda ham amalga oshavermaydi.

-O'yindan so'ng ko'plab tabriklarni qabul qilgandirsiz. Sergey Rebrov qo'ng'iroq qilmadimi?

Kim bilan gaplashsam, o'sha menga "Rebrov qo'ng'iroq qildimi?" deb so'raydi. O'ylashimcha, hozir uni bundanda muhimroq ishlari bor. "Dinamo" "Shaxtyor" bilan o'ynadi. Shu sababli u mashg'ul bo'ladigan ishlar ko'p. Fikrimcha, u menga o'xshab bunday ishlarga katta etibor bermaydi" - deydi Shackix.

Maksim Shackix: "Xatto hakamlar ham qachon rekord gol urishimni so'rashgan"