"Meni "Liverpul"ning YCHLdagi ishtiroki emas, balki APLdagi holati ko'proq tashvishga solyapti. Premer-ligadagi asosiy uchta to'siq - bu standart vaziyatlar, to'pni autdan uzoqqa tashlash va qarshi hujumlardir. "Liverpul" esa bu faktorlarga va raqiblarning "past blok" (zich himoya) bo'lib o'ynashiga qarshi hech narsa qila olmayapti.
Biz APL uchun mos bo'lmagan jamoani ko'ryapmiz. Evrokuboklarda autlar yoki standartlar APLdagidek katta ahamiyatga egami? Yo'q. U yerda hech kim zich himoyaga yotib olmaydi, bu esa "Liverpul"ga qo'l keladi.
Ular "Real Madrid"ni yutishi, safarda "Inter" yoki "Marsel"ni mag'lub etib, pley-offga chiqishi mumkin. Ammo men bu jamoani Premer-ligaga tayyor deb hisoblamayman", - dedi Karrager "Sky Sports" efirida.
