MATNLI TRANSLYACIYA
YANGILASH

- Xizmatingizda Shahboz Beg'amov bo'ldi. Navbatdagi futbol o'yinlarida "Championat.asia" sayti orqali qo'rishguncha, sog' bo'ling!

- "Fiorentina" bugun o'zining eng yaxshi o'yinini ko'rsata olmadi. "Yuventus" ishqibozlarini ushbu g'alaba bilan tabriklaymiz!

Bu jamoalar esa yana to'rt kundan so'ng Turinda, Evropa Ligasi bahsida yana to'qnash kelishadi. Hozircha esa "Yuventus" navbatdagi 3 ochkoni o'z hisobiga yozdirib qo'ymoqda va turnir jadvalida peshqadamlik qilishda davom etmoqda. Uchrashuvdagi yagona golni Kvadvo Asamoa 42-daqiqada o'zining ajoyib zarbasi bilan kiritdi.

90+3daqiqa: Uchrashuv yakunlandi! "Yuventus" o'z maydonida "Fiorentina"ni mag'lub etdi.

90+2daqiqa: "Fiorentina" ushbu jarima to'pidan foydalana olmadi.

90+1daqiqa: Mehmonlar jarima to'pi tepishadi.

90-daqiqa: Uchrashuvga 3 daqiqa qo'shib berildi.

89-daqiqa: "Fiorentina" hujum qilishga urinib ko'rmoqda. Vinchenco Montella jamoasi nima qilib bo'lsa ham, hisobni tenglashtirish harakatida.

88-daqiqa: O'zgarish: Markizio o'rniga Padoin harakat qiladi.

87-daqiqa: Ogohlantirish: Akvilaniga hakam sariq kartochka ko'rsatdi.

86-daqiqa: Buffon! Jiji hozir o'z darvozasini tashlab to'pga egalik qildi va "Fiorentina" hujumchisini aldab, xavfni bartaraf etdi. Qoyil, Buffon!

84-daqiqa: Antonio Konte jamoasi qolgan daqiqalarda 4-5-1 sxemasida harakat qiladi.

82-daqiqa: O'zgarish: Tevez maydonni tark etdi. Isla uning o'rnida qolgan daqiqalarda harakat qiladi.

80-daqiqa: Ana, Matos! Ajoyib imkoniyat! "Fiorentina" hozir hisobni tenglashtirishi mumkin edi. Hozirgina maydonga tushirilgan Matos boshi bilan Buffon darvozasiga zarba yo'lladi. Buffon bu vaziyatda ojiz qolgan edi. Lekin Matosning zarbasi darvoza tusinga tegib qaytdi.

78-daqiqa: O'zgarish: Shtefan Lixtshtayner o'rniga Kaseres maydonga tushirildi. Lixshtayner bugun ancha faol harakat qildi.

77-daqiqa: O'zgarish: Mario Gomez maydonni tark etdi. Vincenzo Montella Matosni o'yinga tashladi. Qani ko'ramiz, bu futbolchi nimalarga qodir ekan?

75-daqiqa: Yaqindagina maydonga tushirilgan Uolski Buffon qo'riqlayotgan darvoza tomon zarba berdi. Lekin uning zarbasi noaniq qo'rinish oldi. Buffon bugungi o'yinda deyarli qiyinchilikka duch kelmayapti. Uning darvozasi tomon zarbalar soni juda kam.

73-daqiqa: "Fiorentina" ushbu standart vaziyatdan unumli foydalana olmadi.

71-daqiqa: Ogbonna sal bo'lmasa o'z darvozasini ishg'ol qilib qo'yardi. Burchak to'pi.

69-daqiqa: Pogba hujumni rivojlantirish maqsadida to'pni jarima maydonchasi ichiga etkazib berdi. Ammo bu vaziyatda Neto to'pni egallab oldi.

67-daqiqa: Montella ikkita o'zgarishni amalga oshirdi. "Fiorentina"ga ushbu o'zgarishlar qanchalik naf keltirishini qolgan daqiqalarda bilib olamiz.

65-daqiqa: O'zgarish: Pizarroning o'rniga Uolski maydonga tushdi.

63-daqiqa: Jamoalar darvozani unutib qo'yishgandek.

61-daqiqa: Uzoq davom etgan hujum samarasiz yakunlandi. Buffon to'pni o'yinga kiritib beradi.

59-daqiqa: "Fiorentina" vaziyat yaratdi. Chap qanotdan uzatib berilgan to'pni Mario Gomez boshi bilan darvoza tomon yo'lladi. Lekin zarbaga aniqlik etishmadi.

57-daqiqa: O'zgarish: Anderson maydonni tark etdi. Uning o'rniga Fernandez maydonga tushirildi.

54-daqiqa: "Fiorentina" to'pni o'zida saqlab turibdi.

53-daqiqa: Asamoaga nisbatan qoida buzildi. Jarima to'pi.

52-daqiqa: Mehmonlar ikkinchi bo'limni nisbatan faolroq boshlashdi.

50-daqiqa: "Yuventus" futbolchilari to'pni maydon markazida bir-biriga oshirib, navbatdagi hujumni tashkil etishga shoshilmayapti.

48-daqiqa: Kuadrado gol urdi. Lekin bu vaziyatda yon hakam uni o'yindan tashqari holatda qolib ketgandi deb hisobladi va golni inobatga olmadi.

47-daqiqa: Mehmonlar hujumga otlanishdi.

46-daqiqa: Ikkinchi bo'lim boshlandi!

45-daqiqa: Birinchi bo'lim tugadi. Tanaffus!

43-daqiqa: Asamoa o'z qanotidan chiroyli tarzda kirib keldi va bir himoyachini nozik harakatlari bilan aldab o'tdi va to'pni kuchli zarba bilan darvozaning yuqori burchagiga joylab qo'ydi! 1:0! Chiroyli gol!

42-daqiqa: GOLLLLLLLL! Asamoa! Tasanno, Kvadvo Asamoa! Supergol!

40-daqiqa: Birinchi bo'lim yakunlanay deb qoldi. Hozircha hisob ochilganicha yo'q. Antonio Konte voqealarning bunday rivojidan ko'ngli to'lmayapti, albatta.

39-daqiqa: Bu standart vaziyati ham mezbonlarga samara keltirmadi.

38-daqiqa: "Yuventus" beshinchi bor burchak to'pi tepdi. Vargas xavfni bartaraf eta oldi. Yana burchak to'pi.

36-daqiqa: Turinliklarni hujumi offsayd tufayli to'xtab qoldi.

35-daqiqa: Mehmonlar "Yuventus"ni to'psiz qoldirishga harakat qilishmoqda.

33-daqiqa: Diakite, Vargas va Anderson tomonidan uyushtirilgan hujum yakunlanmay qoldi. Bunga javoban "Yuve" futbolchilari tashkil qilgan hujum Asamoaning noaniq to'p uzatishi bilan tugadi. Hozircha har ikkala darvozabongacha ish etib bormayapti.

30-daqiqa: Bardzali uzatib bergan to'pni Pogba darvozaga yo'lladi. Lekin bu zarba Neto qo'riqlayotgan darvoza tomon aniq bormadi.

29-daqiqa: Mehmonlar himoyasi Tevez va Lorenteni, mezbonlar himoyachilari Gomezni hozircha zararsizlantira olishmoqda.

27-daqiqa: "Yuventus" hujumda. Asamoaning noaniq zarbasi bilan tugadi ushbu hujum.

25-daqiqa: Mehmonlar hujum qilishdi. Pizarro, Gomez va Akvilanining yaxshi harakatlarini "Yuve" himoyachilari bartaraf etishdi.

24-daqiqa: Karlos Tevez o'yindan tashqari holatda qolib ketdi.

23-daqiqa: O'yin tempi biroz tushgandek.

21-daqiqa: Odatda "Fiorentina" o'yinning ko'p qismini himoyada o'zkazib, imkon bo'lsa qarshi hujumda juda yaxshi o'ynaydi. Montella jamoasining qanotlarida tezkor va yuqori texnika sohiblari harakat qilishadi. Buni "Yuventus" vakillari unutmasligi kerak.

19-daqiqa: Bugun mehmonlar futbolchisi Andersonga nisbatan ko'p qoida buzishlar kuzatilmoqda. Anderson o'z navbatida hakamga bu borada etiroz bildirmoqda.

18-daqiqa: Shtefan Lixtshtayner faol. "Yuventus" ko'proq o'ng qanotdan hujumlar uyushtirmoqda. Lekin mehmonlar himoyasi hozircha aniq harakat qilmoqda.

16-daqiqa: Endi Karlitosning zarbasi biroz noaniq ketdi. Tevez o'yindagi hisobni ochishi mumkin edi. "Yuventus" raqibga bosim o'tkazishga urinmoqda.

15-daqiqa: Mezbonlarning ilk xavfli hujumi. Arturo Vidal to'pni Lixtshtaynerga qoldirdi va Shtefan darvoza tomon zarba yo'lladi. Ammo bu zarbaga aniqlik etishmadi.

14-daqiqa: "Fiorentina" to'pni o'z nazoratiga olishga urinib ko'rmoqda.

12-daqiqa: Ogohlantirish: Vidal. Arturo Vidal ikki daqiqa ichida Andersonga nisbatan ikki bor o'yin qoidasini buzdi va hakam bu safar chililik futbolchini kechirmadi.

10-daqiqa: Vidal Andersonga nisbatan o'yin qoidasini buzdi. Maydon markazidan "Fiorentina" jarima to'pini amalga oshiradi.

8-daqiqa: Asamoa va Lixtshtayner o'z qanotlarida faollik ko'rsatishmoqda. Konte jamoasi asosan qanotlardan hujum tashkil qilmoqchi. Buni tushunsa bo'ladi, bugun markazda jamoaning asosiy futbolchisi Pirlo yo'q.

5-daqiqa: "Yuve" o'yinning beshinchi daqiqasiga kelib katta tashabbus bilan hujumga otlanmoqda. Montella jamoasi himoya haqida o'ylashga majbur.

4-daqiqa: "Yuventus" burchak to'pi tepdi. Pogba va Tevezlarni faolligi hozircha "Fiorentina" himoyasini biroz bezovta qilmoqda.

3-daqiqa: Jamoalar birma-bir hujumga otlanishdi. Lekin ushbu hujumlar samarasiz yakunlandi.

2-daqiqa: Mehmonlar hujum tashkil qilib ko'rishdi.

1-daqiqa: O'yin boshlandi!

- Muxlislar ichida topqirlari bormi? Bugungi o'yin natijasini topishga harakat qilib ko'ring! O'z variantingizni yozib qoldiring va o'yin tugashi bilanoq kim topqirroqligini bilib olamiz.

- O'yin boshlanishiga sanoqli daqiqalar qolmoqda. "Yuventus" - "Fiorentina" bahsini Sizga matnli onlayn tarzida Shahboz Beg'amov yozib boradi. Bizni kuzatishda davom eting!

- Bugungi o'yinda "Yuventus"ga Andrea Pirlo yordam bera olmaydi.

- "Yuventus" chempionat karvonboshisi hisoblanadi. Ular "Roma" klubini 9 ochkoga ortda qoldirishmoqda. Shuni aytib o'tish joizki, Rimliklar "Yuventus"dan bitta kam o'yin o'tkazishgan. Turinlik futbolchilar bugun uch ochkoni o'zlariniki qilib olishsa, navbatdagi chempionlik uchun dadil qadam tashlagan bo'lishadi.

- Montella boshqaruvidagi "Fiorentina" jamoasi bu mavsumda bir qator yorqin o'yinlar ko'rsatib kelmoqda. Ular hozirda turnir jadvalida to'rtinchi pog'onada ketishmoqda. "Fiorentina" keyingi mavsumda ECHLda ishtirok etishni maqsad qilgan. Bugungi o'yin Montella jamoasi uchun juda muhim.

- Florenciyada kechgan o'yin qahramoni Juzeppe Rossi bugun jamoasiga yordam bera olmaydi. Rossi o'z jarohatini tuzatish bilan ovora. Montella bugungi o'yinda "Bavariya"ning sobiq azosi Mario Gomezni asosiy tarkibda tushirgan. Mario uzoq davom etgan jarohatidan forig' bo'ldi va endilikda jamoasiga yordam berish uchun tayyor.

- Antonio Konte jamoasining "Fiorentina" bilan o'zaro hisob-kitobi bor. Bu jamoalarning birinchi davradagi o'yinida "Yuventus" g'alaba qozonib turgan bir paytda, Montella shogirdlari ikkinchi bo'limda to'rtta to'p kiritib, irodali g'alabani tantana qilishgan edi. Bu esa o'z navbatida "Yuve" futbolchilari va muxlislarini yodida qolgan. Bugun "bnkoneri"lar o'zgacha ishtiyoq bilan harakat qilishlari aniq.
- Bugungi o'yinni Daniel Orsato boshqarib boradi.

- Yuventus – Buffon, Kellini, Ogbonna, Bardzali, Lixtshtayner, Markizio, Pogba, Asamoa, Vidal, Lorente, Teves.

- Fiorentina - Neto, Rodrigez, Diakite, Savich, Paskual, Vargas, Pizarro, Kuadrado, Anderson, Gomez.
- Tarkiblar malum bo'ldi.
- Uchrashuv soat 16:30da boshlanadi

Yuventus – Fiorentina 1:0
9 mart, 16.30, Yuventus Stedium

Gol: Asamoa (42)

Yuventus – Buffon, Kellini, Ogbonna, Bardzali, Lixtshtayner (Kaseres, 78), Markizio (Padoin, 88), Pogba, Asamoa, Vidal, Lorente, Teves (Isla, 82).
Fiorentina - Neto, Rodrigez, Diakite, Savich, Paskual, Vargas, Pizarro. (Uolski, 65), Kuadrado, Anderson (Fernandez, 57), Gomez (Matos, 77).

Ogohlantirishlar: Vidal (12), Matos (81), Savich (85), Akvilani (87), Asamoa (90), Fernandez (90).

Italiya. 27-tur. "Yuventus" - "Fiorentina" 1:0