Гарчи ўйин мухлислар кутганидек шиддатли ва чиройли ўтмаган бўлса-да, мезбонлар ўзлари учун муҳим бўлган уч очкони қўлга киритди. Мазкур баҳсда ғалаба келтирган ягона голга Фозил Мусаев муаллифлик қилди. Тур якунларига кўра, тажрибали ярим ҳимоячи сайтимиз томонидан 15-тур рамзий терма жамоасига киритилди. Биз бу борада футболчининг фикрларини тингладик.
"Сўғдиёна" билан ўйинда натижа учун ўйнадик. Ҳозирда "Турон" учун ҳар бир қўлга киритилган очко муҳим ҳисобланади. Турнир жадвалида ўрнимизни яхшилаб олишимиз керак.
Тўғри, "Сўғдиёна" турнир жадвалида юқори ўринларда кетмоқда. Лекин уларни мағлуб этганимизни сенсация демаган бўлардим. Биз ортда қолган учрашувларда ҳам муносиб ҳаракат қилгандик. Фақат омад ёки нимадир етишмаётганди. Агар кимдир буни сенсацияга қиёсласа, майли, ҳар кимнинг ўз фикри бор.
Игорь Шквирин футболчиларга ишонч беряпти. Ўзи нима истаётганлигини, биздан нимани кутаётганини яхши тушунтира оляпти", — дейди Фозил Мусаев.
