Bo'y basti uzun bo'lgan posbon "Nasaf"da namoyish etayotgan ishonchli o'yinlaridan keyin milliy terma jamoa yig'inlariga ham taklif etildi. Xabaringiz bor, terma jamoamizning asosiy posboni Ignatiy Nesterov yaqinda jiddiy jarohat olib, o'yindan tashqari xolatga tushib qoldi. Shu bois terma jamoamizning sentyabr oyida Iordaniya bilan bo'lib o'tadigan muhim bahsidan oldin katta muammo yuzaga keldi. Endilikda ushbu bo'lajak bahslar oldidan Murod Zuhurov, Aleksandr Lobanov hamda Eldor Suyunovga bu borada asosiy nomzod sifatida qaralmoqda.

Biz yaqinda, aniqrog'i, milliy terma jamoamizning Iordaniya safariga jo'nab ketishi oldidan "Nasaf"ning 22 yoshli posboni Suyunov bilan suhbatlashdik.

"Turkiya bilan o'yin bekor qilingach, murabbiylar shtabi yoshargan tarkibni elon qilib, unda meni ham Toshkentdagi qisqa muddatli yig'inga taklif etdi. Bu chorlovdan albatta juda xursand bo'ldim. O'sha paytda men yaxshi bilgan bir qator futbolchilar ham yig'inda ishtirok etgani bois o'zimni yolg'iz xis qilmadim. Hammasi yaxshi kechdi. Ammo ikkinchi yig'inga, yani Iordaniya bilan o'tadigan uchrashuv oldidan tashkil etilgan yig'inga kelganimda, o'zimni biroz boshqacha xis etmoqdaman. Nasafdagi kabi emasda baribir. Balki bunga keyinchalik ko'nikib ketarman. Bu safar terma jamoa salobati bosmoqda. Masuliyat ikki xissa yuqori deyish mumkin", - deydi Nasaf posboni.

"Afsuski Nesterov muhim o'yinlar oldidan safdan chiqdi. Bu posbonni O'zbekiston milliy terma jamoasining ajralmas bir bo'lagi deb bilaman. Terma jamoaning shu ergacha etib kelishida uning xizmati katta bo'lgan. Nesterovning mahoratiga hech qanday shubham yo'q. Birinchi raqamli darvozabon".

"Buni avvalo murabbiy hal qiladi. Kim maydonga tushish-tushmasligini muhokama qila olmayman. Kim o'ynasa ham, asosiysi vatan jamoasi uchun foyda keltirsin. Mashg'ulotlarda barcha barobar ishlamoqda. Bu borada hammamizning imkoniyatimiz teng. Qolaversa, darvozabonlar murabbiyi Pyotr Gizimchuk uchchala posbonga ham bir xil munosabatda bo'lmoqda. Iordaniyada darvozani kim qo'riqlashini, o'sha kuni bilamiz. Agarda murabbiylar Iordaniya bilan o'yinlarda darvozani menga ishonib topshirishsa, bor kuchimni ishga solaman va ishonchni oqlashga harakat qilaman".

Islombek RUSTAMBEKOV suhbatlashdi.

Eldor Suyunov: "Terma jamoada ham murabbiylar ishonchini oqlashga harakat qilaman"