Ushbu bosqichdan muvaffaqiyatli o'tgan klublar guruh bosqichida ishtirokni davom ettirishadi.

Saytimiz o'quvchilarining qiziqishlarini inobatga olib bugungi qura qay tartibda o'tishini unda qaysi klublar ishtirok etishini malum qilishga qaror qildik. Chempionlar ligasi pley-off bosqichiga qura tashlash marosimi Toshkent vaqti bilan soat 14:45da boshlanadi.

Dastlab Evropa chempionlar ligasi haqida. Evropa ligasi haqida alohida xabarda malumot beramiz.

Pley-off bosqichida 10ta juftlik ishtirok etadi. Yani guruh bosqichiga ushbu juftliklarning 10ta g'olibi yo'l oladi. Qura tashlashda ikki yo'l bor. Biri "chempionlar yo'li" (o'z mamlakatlari chempionlari) va "liga yo'li" (o'z mamlakatlarida chempion bo'lmaganlar).

"Chempionlar yo'li"da quyidagi klublar bor:
Saralangan klublar:
"Bazel" (Shveycariya)
"Seltik" (Shotlandiya)
"Styaua" (Ruminiya)
"Viktoriya Plzen" (Chexiya)
"Dinamo Zagreb" (Xorvatiya)

Saralanmagan klublar:
"Austriya" (Avstriya)
"Legiya" (Polsha)
"Maribor" (Sloveniya)
"Ludogorec" (Bolgariya)
"Shaxtyor Qarag'anda" (Qozog'iston)

Saralangan klublar saralanmagan klublarga qarshi o'ynashadi. Masalan "Shaxtyor"ga faqat saralangan klublar orasidan raqib tanlanadi. Saralangan klublar Evrokuboklar koefficienti yuqori bo'lgan davlat vakillari hisoblanishadi.

"Liga yo'li"da quyidagi klublar bor:
Saralangan klublar:
"Arsenal" (Angliya)
"Lion" (Franciya)
"Milan" (Italiya)
"Shalke" (Germaniya)
"Zenit" (Rossiya)

Saralanmagan klublar:
"PSV" (Gollandiya)
"Metallist" (Ukraina)
"Fenerbaxche" (Turkiya)
"Real Soseded" (Ispaniya)
"Pakosh Ferreyra" (Portugaliya)

Bu erda ham saralangan klublar saralanmagan klublarga qarshi o'ynashadi. Masalan "Metallist" faqat yuqoridagi saralangan klublardan biriga qarshi o'ynaydi.

Takidlash lozimki, ushbu pley-offda mag'lub bo'lgan klublar Evropa ligasi guruh bosqichida ishtirokni davom ettirishadi. Yani pley-offdan o'rin olgan hech qaysi klub bu mavsum evrokuboklarsiz qolmaydi.

Guruh bosqichiga to'g'ridan-to'g'ri yo'l olgan 22ta klub ro'yxati:

"Bavariya", "Barselona", "Chelsi", "Real", "Manchester Yunayted", "Portu", "Benfika", "Atletiko", "Shaxtyor Doneck", "Marsel", CSKA Moskva, "PSJ", "Yuventus", "Manchester Siti", "Ayaks", "Borussiya Dortmund", "Olimpiakos", "Galatasaroy", "Bayer", "Kopengagen", "Napoli", "Anderlext".

Narzulla Saydullaev.

ECHL. Pley-off bosqichiga qanday qilib qura tashlanadi?