"Topskills Sports UK"нинг хабар беришича, футболчининг агенти Лондон клуби раҳбариятига Гарначо жамоада ўзини бахтли ҳис қилаётганини ва "Стэмфорд Бриж"да фаолиятини давом эттиришни хоҳлашини билдирган.
Қизиғи шундаки, "Челси" раҳбарияти бу фикрга қўшилмайди ва аргентиналик футболчи билан йўлларни "Манчестер Юнайтед"дан ўтганидан бор-йўғи бир йил ўтганидаёқ ажратиш вариантини кўриб чиқмоқда.
Эслатиб ўтамиз, Лондон клуби футболчини 2025 йил август ойида тахминан 40 миллион фунт эвазига сотиб олганди.
Шу билан бирга, футболчи вакилининг таъкидлашича, Гарначо кетадиган бўлса ҳам, фақат тўлиқ трансфер вариантларини кўриб чиқади. Вингер ижарага ўтишни қатъий рад этади. Унга Италиянинг бир нечта клублари, шунингдек, Мадриднинг "Атлетико"си ҳам қизиқмоқда.
