kutilmaganda ikkinchi bosqich arafasida katta yo'qotishlarga duch keldi va jamoa rejasi ham shundan so'ng keskin ravishda o'zgarib ketdi.

:Jamoaning bosh murabbiyidan tortib, futbolchilarigacha “Qizilqum”ga yoppasiga ko'chib o'tishlari, birinchi liga jamoasini shokka tushirib qo'ygandek tuyuldi. Shuning uchun ham viloyatning birinchi ligadagi jamoasiga ikkinchi bosqichda oson bo'lmadi.

Ikkinchi bosqichni Obid Xudoyorov qo'li ostida o'tkazgan “Zarafshon-PFK” futbolchilari 16ta o'yinda ishtirok etib, 7ta uchrashuvda g'alaba nashidasini surdi. 4 bor durang o'ynab, qolgan 5ta bahsda raqiblariga imkoniyatni boy berdi. Shu tariqa jamoa hisobidagi ochkolar soni 52tani tashkil etdi.

Aslida bu jamoani kamida 3-o'rin uchun jiddiy kurashishi kutilgandi. Ammo Xudoyorov jamoasi “Qo'qon-1912”ga bu borada yutqazdi.

“Zarafshon-PFK” futbolchilari o'z maydonida o'tkazgan 8ta o'yinning 5tasini muvaffaqiyatli yakunlagan bo'lsa, 2ta uchrashuvda durangga imzo chekdi. Yana bir o'yinda asosiy raqib “Qo'qon-1912”ga yutkazdi. Lekin shunga qaramay, ular o'z maydonida “Andijon”ni mag'lubiyatga uchrata olishni udduladi. Jamoaning o'z maydonidagi o'yinlaridagi natijalari shuni ko'rsatyaptiki, umumiy 17 ochko to'plab, bu borada 5-o'rinni egalladi.

Xo'sh, jamoa safarda qanday o'ynagan? Bu borada navoiyliklarning natijalari maqtagulik darajada emas. Sababi 8ta o'yindan atiga 2tasidagina uch ochko olingan. Yana 2ta bahsda durang o'ynagan “Zarafshon-PFK” futbolchilari qolgan 4ta uchrashuvni boshi egik xolatda tark etishgan.

Jamoa ikkinchi bosqichda hammasi bo'lib, 35ta gol urdi. Eng ko'p gol urgan futbolchi bu – Ulug'bek Izbosarov bo'ldi. Hujumchi 1ta ugol urdi. 5tasini penaltidan kiritganini ham aytib o'tish lozim.

O'z darvozasidan 34ta to'p olib chiqishga ham majbur bo'ldi. Ikkinchi bosqichda jamoa darvozasini Sevdiyor O'rinov qo'riqladi.

Kim qancha gol urdi?

Futbolchi	Gol	(pen)
Ulug'bek Izbosarov	10	(5)
O'ktam Sadinov	8
Feruz Boboqulov	5	(1)
Abdurahmon Abdulhaqov	4
Aziz Abdullaev	2
Ulug'bek Rahmonov	2
Saidjon Hayitov	2
Mansur Otaqulov	1
Pyotr Batarov	1

“Zarafshon-PFK” jamoasi ikkinchi bosqichda muxlis tashrifi borasida yuqori o'rinlardan joy oldi. Klub o'yiniga umumiy aytganda 16ta bahsda 25646 nafar tomoshabin kirgan. Bu har bir uchrashuvga o'rtacha 1603ta muxlis demakdir.

Jamoa statistikasi

O'yinlar	16
Gollar	35
Uyda	21 (60%)
Safarda	14 (40%)
O'tkazib yuborilgan gollar	33
Uyda	10 (30,3%)
Safarda	23 (69,7%)
O'rtacha urilgan gollar	2,19
O'rtacha o'tkazib yuborilgan gollar	2,06
Uyda to'plangan ochkolar	17/24 (70,83 %)
Safarda to'plangan ochkolar	8/24 (33,33 %)
Eng yirik g'alaba	4:0 - NBU-Osiyo, Kosonsoy
Eng yirik mag'lubiyat	0:7 - Andijon
Gol o'tkazilmagan o'yinlar	2 (12,5%)
Golsiz o'yinlar	2 (12,5%)
Irodali g'alaba	3
Irodali durang	0
Irodasiz mag'lubiyat	1
Irodasiz durang	4
Yirik g'alaba	2
Yirik mag'lubiyat	3
Avtogol (urilgan/o'tkazilgan)	0/2
Ogohlantirish (o'rtacha)	31 (1,94)
Chetlatish (o'rtacha) – To'g'ridan-to'g'ri/2SK	3 (0,19) - 2/1
Tomoshabin (umumiy/o'rtacha)	25646/1603

Islombek Rustambekov tayyorladi

Birinchi liga yakuni. “Tezlikni” pasaytirib yuborgan “Zarafshon-PFK” haqida